广东的朋友进来儿时的回忆

rikkiyuna

广东童谣
1、落雨大
落雨大，水浸街，啊哥担柴上街卖，亚嫂出街着花鞋。花鞋花袜花腰带，金丝蝴蝶两边排。
2、月光光
月光光，照地堂。年卅晚，摘槟榔。槟榔香，买子羌。子羌辣，买胡达。胡达苦，买猪肚。猪肚肥，买牛皮。牛皮薄，买菱角。菱角尖，买马鞭。马鞭长，顶屋梁。屋梁高，买张刀。刀切菜，买饭盖。饭盖圆，习只船，船无底，浸死两个番鬼仔。一个浮头，一个沉底。
3、排排坐
排排坐，食粉果。猪拉柴，狗烧火。猫仔担凳姑婆坐，坐烂屎忽咪赖我。
4、凼凼转
凼凼转，菊花圆，炒米饼，糯米团。阿妈叫我睇龙船，我唔睇，睇鸡仔，鸡仔大，拎去卖，卖得几多钱？卖得三百六十五个仙，得来买膏又买盐。
凼凼转，菊花圆，炒米饼，糯米团。阿妈叫我睇龙船，我唔睇，睇鸡仔，鸡仔大，拎去卖，卖得几多钱？卖得三百钱。一百打金钗，一百买街牌。剩番一百，打只金铬畀啊妈戴。
5、点虫虫
点虫虫，虫虫飞。飞去荔枝基。荔枝熟，摘满袱。荔枝生，摘满罂。荔枝黄，摘满床。
6、肥佬
肥佬肥腯腯，买抽猪肉去拜神，行到半路屎忽痕，翻到屋企冇晒人，打开痰罐有敌人！
7、丫啴喊
丫啴喊，荔枝熟，嫩仔喊，米升烘。大人喊，茶瓜蒸猪肉。
8、鸡公仔
鸡公仔，美婆娑，三岁孩儿学唱歌。唔使爹娘教导我，唱起歌来一箩箩。
9、有只雀仔跌落水
有只雀仔跌落水，跌落水，跌落水；有只雀仔跌落水，畀水冲去。
10、肥仔个头
肥仔个头，大过五层楼，肥仔只手，细过荷兰豆，肥仔个屎忽，屙豆豆。